Qazaqstan Respýblıkasy Ulttyq ekonomıka mınıstrliginiń buıryǵy  №229

2015 jylǵy 19 naýryz,  Astana qalasy Tapsyrys berýshiniń (qurylys salýshynyń) qyzmetin uıymdastyrýdyń jáne fýnksııalaryn júzege asyrýdyń qaǵıdalaryn bekitý týraly «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Qazaqstan Respýblıkasynyń 2001 jylǵy 16 shildedegi Zańynyń 20-babynyń 23-17) tarmaqshasyna sáıkes buıyramyn: 1. Qosa berilip otyrǵan Tapsyrys berýshiniń (qurylys salýshynyń) qyzmetin uıymdastyrýdyń jáne fýnksııalaryn júzege asyrýdyń qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrligi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Ulttyq ekonomıka vıse-mınıstrine júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Mınıstr E.DOSAEV. Qazaqstan Respýblıkasy Ulttyq ekonomıka mınıstriniń 2015 jylǵy 19 naýryzdaǵy №229 buıryǵymen bekitilgen Tapsyrys berýshiniń (qurylys salýshynyń) qyzmetin uıymdastyrýdyń jáne fýnksııalaryn júzege asyrýdyń qaǵıdalary 1. Jalpy erejeler 1. Osy Tapsyrys berýshiniń (qurylys salýshynyń) qyzmetin uıymdastyrýdyń jáne fýnksııalaryn júzege asyrýdyń qaǵıdalary (budan ári – Qaǵıdalar) «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Qazaqstan Respýblıkasynyń 2001 jylǵy 16 shildedegi Zańyna sáıkes ázirlendi jáne menshik nysanyna qaramastan tapsyrys berýshiniń (qurylys salýshynyń) (budan ári - tapsyrys berýshi) qyzmet aıasyn jáne negizgi fýnksııalaryn belgileıdi. Jobalaý jáne qurylys jumystaryn oryndaý kezinde tapsyrys berýshiniń naqty mindetteri taraptardyń kelisimimen aıqyndalady. Qurylysqa qatysý úshin jeke jáne (nemese) zańdy tulǵalardyń aqshalaryn tarta otyryp, obektilerdiń qury­lysyn uıymdastyrý jónindegi qyzmetti júzege asyrý kezinde tapsyrys berýshiniń fýnksııalary «Turǵyn úı qury­lysyna úleskerlik qatysý týraly» Qazaqstan Respýblıkasynyń 2006 jylǵy 7 shildedegi Zańymen reglamentteledi. 2. Osy Qaǵıdalarda mynadaı uǵymdar paıdalanylady: 1) joba – jeke jáne zańdy tulǵalardyń túpki oıynyń mánin jáne ony praktıkada iske asyrý múmkindigin ashyp kórsetetin, sáýlet, qala qurylysy jáne qurylys qujattamasy (syzbalar, grafıkalyq jáne mátindik materıaldar, ınjenerlik jáne smetalyq esep-qısaptar), onyń ishinde qurylystyń tehnıkalyq-ekonomıkalyq negizdemesi jáne (nemese) jobalaý-smetalyq qujattamasy nysanynda usynǵan, adamnyń mekendeýi men tirshilik etýiniń qajetti jaǵdaılaryn qamtamasyz etý jónindegi túpki oıy; 2) jobalaý (jobalaý-smetalyq) qujattamasy – jobalaýǵa arnalǵan tapsyrmaǵa jáne normatıvtik-tehnıkalyq qujattarǵa sáıkes oryndalǵan sáýlet, kólemdik-josparlaý, fýnksıonaldyq, konstrýktıvtik, tehnologııalyq, ınjenerlik, tabıǵat qorǵaý, energııa únemdeý, ekonomıkalyq jáne ózge de sheshimderdiń, sondaı-aq qurylysty uıymdastyrý men júrgizý, aýmaqty ınjenerlik daıyndaý, abattandyrý úshin smetalyq esepterdiń jıyntyǵy; 3) jobany basqarý – berilgen bıýdjet jáne merzim sheńberinde ınvestısııalyq jobanyń maqsatyna qol jetkizý úshin tapsyrys berýshimen ne ınvestormen jasalǵan shartqa sáıkes obektilerdiń jobalanýyn, salynýyn jáne paıdalanýǵa berilýin uıymdastyrý, josparlaý, úılestirý, baqylaý boıynsha qyzmet; 4) ınvestor – Qazaqstan Respýblıkasynda ınvestısııalardy júzege asyratyn jeke nemese zańdy tulǵa; 5) merdiger – qyzmettiń tıisti túrine lısenzııasy bar, Qazaqstan Respýblıkasynyń zańnamasyna sáıkes qurylys salasynda tapsyrys berýshimen nemese jobany basqarý boıynsha sáýlet, qala qurylysy jáne qurylys qyzmeti salasynda ınjınırıngtik qyzmetterdi (budan ári – jobany basqarý boıynsha ınjınırıngtik qyzmetter) júzege asyratyn tulǵamen jasalatyn merdigerlik shart nemese memlekettik satyp alý týraly shart boıynsha qurylys salasynda merdigerlik jumystardy oryndaıtyn jeke nemese zańdy tulǵa; 6) tapsyrys berýshi – óziniń nemese memlekettiń muqtajy úshin ne kommersııalyq maqsatta kásiporyn, ǵımarat, qurylys salý boıynsha jobany iske asyrýǵa ınvestor (ne ózi ınvestor bolyp tabylatyn) ýákilettik bergen jeke nemese zańdy tulǵa. 3. Tapsyrys berýshiniń qyzmet aıasyna jańa obektiler salý jáne (nemese) bar obektilerdi (ǵımarattardy, qurylystar men olardyń keshenderin, kommýnıkasııalardy) ózgertý (keńeıtý, jańǵyrtý, tehnıkamen qaıta jaraqtandyrý, rekonstrýksııalaý, qalpyna keltirý, kúrdeli jóndeý), olarmen baılanysty tehnologııalyq jáne ınjenerlik jabdyqtardy montajdaý (bólshekteý), iske qosý-jóndeý jónindegi jumystar, sondaı-aq qurylysy aıaqtalmaǵan obektilerdi konservasııalaý jatady. 4. Tapsyrys berýshi obektilerdiń qurylysyn, onyń ishinde ınvestısııalyq jobalardyń (baǵdarlamalardyń) iske asyrylýyn respýblıkalyq jáne jergilikti bıýdjetterden túsken qarajattar, óziniń qarajattary, ınvestordyń (ınvestorlardyń) qarajattary, sondaı-aq qurylysqa úlestik qatysý tártibinde ınvestısııa salǵan zańdy jáne jeke tulǵalardyń qarajattary esebinen júzege asyrady. 5. Tapsyrys berýshi ınvestormen jasalǵan shartta belgilengen talaptarǵa sáıkes obektini salý úshin ınvestordyń bólgen aqsha qarajatyna jáne materıaldyq quraldaryna bılik etedi jáne: 1) ınvestordyń resýrstaryn maqsatty jáne óz ýaqytynda paıdalanýdy; 2) obektini jobalaý jáne salý kezinde normatıvtik quqyqtyq aktiler men normatıvtik-tehnıkalyq qujattardy saqtaýdy; 3) tıimdi jobalyq sheshimderdi qabyldaýdy, qoldanylatyn materıaldardyń, konstrýksııalardyń, jabdyqtardyń jáne júrgizilgen qurylys-montaj jumystardyń sapasyn; 4) obektini paıdalanýǵa engizý merzimderiniń saqtalýyn qamtamasyz etedi. 6. Tapsyrys berýshiniń qajetti ruqsat berý qujattary jáne qyzmettiń tıisti túrine lısenzııasy bolǵan kezde ol tapsyrys berýshi men merdigerdiń mindetterin qatar oryndap, óz kúshimen obektiniń qurylysyn júzege asyrady. 7. Qajet bolǵan kezde tapsyrys berýshi sharttyq negizde jobany basqarý boıynsha ınjınırıngtik qyzmetterdi júzege asyratyn tulǵany tartady. 8. Qurylysty uıymdastyrý jáne júrgizý kezinde tapsyrys berýshi mynadaı fýnksııalardy derbes júzege asyrady: 1) ınvestısııalardy bólý kólemi men olardy jumsaý baǵyttary týraly sheshim qabyldaý; 2) obektiniń qurylysyn bastaý, ýaqytsha toqtatý, konservasııalaý, toqtatý týraly sheshim qabyldaý; 3) jobalaýǵa arnalǵan tapsyrmany bekitý; 4) qazynashylyq júıe arqyly tólem júrgiziletin qujattarǵa qol qoıý. 2. Investısııalyq jobalardy iske asyrý prosesinde tapsyrys berýshiniń negizgi fýnksııalary 1-paragraf. Investısııalyq jobalardy josparlaý 9. Bıýdjettik ınvestısııalyq jobalardy josparlaý kezinde tapsyrys berýshi Qazaqstan Respýblıkasynyń 2008 jylǵy 4 jeltoqsandaǵy Bıýdjet kodeksine jáne Qazaqstan Respýblıkasynyń Ulttyq ekonomıka mınıstriniń 2014 jylǵy 5 jeltoqsandaǵy № 129 buıryǵymen bekitilgen (Normatıvtik quqyqtyq aktiler tiziliminde № 9938 bolyp tirkelgen) Memlekettik ınvestısııalyq jobanyń ınvestısııalyq usynysyn ázirleý nemese túzetý, qajetti saraptamalardy júrgizý, sondaı-aq bıýdjettik ınvestısııalardy josparlaý, qaraý, irikteý, monıtorıngileý jáne iske asyrylýyn baǵalaý qaǵıdalaryna sáıkes: memlekettik, salalyq baǵdarlamalar jáne aýmaqtardyń damý baǵdarlamalary sheńberinde ınvestısııalyq jobalardyń iske asyrylýyn negizdeıtin ınvestısııalyq usynystardy; konsessııalyq usynystardy; tehnıkalyq-ekonomıkalyq negizdemelerdi, qarjylyq-ekonomıkalyq negizdemelerdi, ınvestısııalardyń negizdemesin ázirleýdi júzege asyrady. 2-paragraf. Jobalaý aldyndaǵy jáne jobalaý (jobalaý-smetalyq) qujattamasyn qamtamasyz etý 10. Qurylys salýǵa arnalǵan jerge tıisti quqyqty rastaıtyn qujat bar bolǵan jaǵdaıda, tapsyrys berýshi: 1) derbes nemese basqa mamandardy tarta otyryp, salynýy belgilengen obektini jobalaýǵa arnalǵan tapsyrmany daıyndaıdy. Jobalaýǵa arnalǵan tapsyrma jobalaý aldyndaǵy jáne (nemese) jobalaý (jobalaý-smetalyq) qujattamasyn ázirleý jónindegi tapsyrysty oryndaý shartynyń ajyramas bóligi jáne ony tapsyrys berýshi bekitken sátten bastap taraptar úshin mindetti bolyp tabylady. Jobalaý prosesinde tapsyrys berýshiniń tapsyrmasy boıynsha jobalaýǵa arnalǵan tapsyrma túzetiledi jáne naqtylanady. Eger tapsyrys berýshiniń bastamasy boıynsha jobalaýǵa arnalǵan tapsyrmaǵa engizilgen túzetýler jobalaý aldyndaǵy nemese jobalaý (jobalaý-smetalyq) qujattamasynyń ázirlengen bólimderin qaıta óńdeýdi qajet etetin bolsa, onda oryndalǵan jumys kólemin eskere otyryp, shartqa qosymsha kelisim jasalady; 2) tapsyrys berýshi memlekettik emes ınvestısııalardyń esebinen qarjylandyrylatyn jaǵdaıdy qospaǵanda, «Memlekettik satyp alý týraly» Qazaqstan Respýblıkasynyń 2007 jylǵy 21 shildedegi Zańyna (budan ári – «Memlekettik satyp alý týraly» Zań) sáıkes izdestirý jáne (nemese) jobalaý jumystaryn, qajet bolǵan jaǵdaıda ǵylymı-zertteý, tájirıbelik-konstrýktorlyq jáne tehnologııalyq jumystardy oryndaý úshin uıymdardy tańdaýdy júzege asyrady jáne olarmen shart jasasady; 3) jobalaý uıymyna (bas jobalaýshyǵa) jobalaý-smetalyq qujattamany jasaý úshin qajetti: shekarasynyń shegindegi aýmaqty paıdalaný jáne josparlanǵan obektini belgileý jónindegi reglamentterdi qosa alǵanda, jerge tıisti quqyq berý týraly jergilikti atqarýshy organdardyń sheshimi; qoldanystaǵy ǵımarattardyń úı-jaılaryn (jekelegen bólikterin) rekontrýksııalaý, qaıta josparlaý, qaıta jabdyqtaý týraly jergilikti atqarýshy organnyń sheshimi; jobalaýǵa arnalǵan tapsyrmany; aýmaqtyń ınjenerlik daıyndyǵy, kórkeıtý men kógaldandyrý jaǵdaıyn qosa, jergilikti sáýlet jáne qala qurylysy organymen (qala, aýdan) berilgen sáýlet-josparlaý tapsyrmasyn; ınjenerlik jáne kommýnaldyq qamtamasyz etý kózderine qosylý úshin tehnıkalyq sharttardy; eger, shartta ınjenerlik izdestirýlerdi oryndaý qarastyrylmasa, ınjenerlik-geologııalyq izdestirýler týraly esepti; jobalaý aldyndaǵy qujattamany (bar bolǵan jaǵdaıda) qamtıtyn bastapqy materıaldardy beredi; 4) «Memlekettik satyp alý týraly» Zańnyń 6-babynyń 1-tarmaǵy 2) tarmaqshasynda kózdelgen jaǵdaılarda, tapsyrys berýshi qurylys jobalaryn (tehnıkalyq-ekonomıkalyq negizdemelerdi nemese jobalaý-smetalyq qujattamany) ázirleýge jáne olarǵa saraptama júrgizýge bólek konkýrstardy uıymdastyrady jáne ótkizedi. Vedomstvodan tys keshendi saraptamaǵa jatatyn, biraq memlekettik monopolııaǵa jatpaıtyn jáne memlekettik satyp alý nysanasy bolyp tabylmaıtyn jobalarǵa tapsyrys berýshi saraptama júrgizý úshin óz qalaýy boıynsha kez-kelgen akkredıttelgen saraptama uıymyn tańdaıdy; 5) jobalaý aldyndaǵy (tehnıkalyq-ekonomıkalyq negizdeme) jáne jobalaý (jobalaý-smetalyq) qujattamany vedomstvodan tys keshendi saraptama júrgizý úshin memlekettik normatıvterde kózdelgen kólemde usynady. Saraptamanyń oń qorytyndysy: jobalaý aldyndaǵy qujattamany belgilengen tártipte bekitýge jáne ınvestordyń qurylys obektisin odan ári qaraı ınvestısııalaý jáne jobalaý (jobalaý-smetalyq) qujattamasyn ázirleý jóninde sheshim qabyldaýyna; obektiler men olardyń keshenderin salýǵa jáne ózgertýge (rekonstrýksııalaýǵa, keńeıtýge, tehnıkalyq qaıta jaraqtandyrýǵa, jańǵyrtýǵa, kúrdeli jóndeýge), ınjenerlik jáne kólik kommýnıkasııalaryn tóseýge, aýmaqty ınjenerlik daıyndaýǵa, abattandyrýǵa jáne kógaldandyrýǵa jobalaý (jobalaý-smetalyq) qujattamasyn bekitýge, sondaı-aq jobany iske asyrý boıynsha qurylys-montaj jumystaryn júrgizýdi bastaý úshin negiz bolady; 6) jobalaý uıymynyń saraptama eskertýlerin joıýyn qamtamasyz etedi; 7) bas jobalaýshydan sany tórt danadan kem emes qaǵazdaǵy jáne eki danada elektrondyq jetkizgishtegi jobalaý aldyndaǵy nemese jobalaý-smetalyq qujattamanyń túpkilikti nusqasyn qabyldaýdy, saqtaýdy jáne merdigerge berýdi júzege asyrady, sondaı-aq saraptama ótkizgen uıymnyń muraǵatyna tapsyrady. 3-paragraf. Qurylysty uıymdastyrý jáne qurylys alańyn ıgerý 11. Tapsyrys berýshi qurylysty uıymdastyrý jáne qurylys alańyn daıyndaý barysynda: 1) qurylys-montaj jumystary júrgizile bastalǵanǵa deıin «Ruqsattar jáne habarlamalar týraly» Qazaqstan Respýblıkasynyń 2014 jylǵy 16 mamyrdaǵy Zańynyń (budan ári – «Ruqsattar jáne habarlamalar týraly» Zań) 46-babymen belgilengen tártipte memlekettik sáýlet-qurylys baqylaýyn jáne qadaǵalaýyn júzege asyratyn organǵa qurylys-montaj jumystary júrgizile bastalǵany týraly habarlama jiberedi; 2) mynalar boıynsha tıisti uıymdardan: elektr berýdiń áýe jelileri jáne baılanys jelileri aımaǵynda, temir jol bólingen beldeýde, qurylys alańynda ornalasqan jer asty kommýnıkasııalarynyń ótetin oryndarynda, jer ýchaskelerinde jerasty qazba jumystaryn júrgizý aımaqtarynda jumys júrgizýge; eger tapsyrys berýshiniń qurylysy úshin jeke gazben jabdyqtaý, sýmen jabdyqtaý, býmen jabdyqtaý jáne energııamen jabdyqtaý obektileri bolmaǵan jaǵdaıda, qurylysty uıymdastyrý jobasyna sáıkes qalalarda jáne basqa eldi mekenderde qurylys salý kezeńi ishinde burynnan bar kózderden elektr energııasyn, gazdy, sýdy, býdy ýaqytsha paıdalanýǵa; ormandardy kesýge jáne aǵashtardy otyrǵyzýǵa ruqsat alady; 3) kórneki oryndar aýmaǵynda, sondaı-aq tarıhı-mádenı mura obektisin qorǵaý aımaqtarynda júrgiziletin jerge ornalastyrý, jer, qurylys, melıorasııalyq, sharýashylyq jumystardy kelisýdi qamtamasyz etedi; 4) obektini salý úshin geodezııalyq bólý negizin qurady; 5) tapsyrys berýshi memlekettik emes ınvestısııalardyń esebinen qarjylandyrylatyn jaǵdaıdy qospaǵanda, «Memlekettik satyp alý týraly» Zańǵa sáıkes qurylys-montaj jumystaryn oryndaý úshin merdigerdi tańdaýdy júzege asyrady. Merdigerlik sharttaǵy jumystardy oryndaý merzimderi jobalaý (jobalaý-smetalyq) qujattamanyń quramynda saraptamadan ótken qurylysty uıymdastyrý jobasyna (budan ári - QUJ) kiretin jáne sharttyń ajyramas bóligi bolyp tabylatyn qurylys-montaj jumystarynyń kúntizbelik josparymen, sondaı-aq kúntizbelik josparǵa baılanystyrylǵan qurylys-montaj jumystaryn qarjylandyrý kestesimen anyqtalady. Bul rette, jumystardy oryndaýdyń bastapqy jáne sońǵy merzimderi, sondaı-aq jumystardyń jekelegen satylarynyń aıaqtalý merzimderi (aralyq merzimderi) kórsetiledi. Qurylysty uıymdastyrý jobasynda (QUJ) ázirlenetin negizgi qujattardyń quramy osy Qaǵıdalarǵa 1-qosymshada keltirilgen; 6) zańnamada belgilengen tártipte avtorlyq jáne tehnıkalyq qadaǵalaýdy júzege asyrýǵa sharttar jasasady. Shtatta attestattalǵan sarapshylar bolǵan jaǵdaıda, tehnıkalyq qadaǵalaýdy tapsyrys berýshiniń ózi júzege asyrady; 7) merdigerge belgilengen tártipte: onymen kelisilgen merzimde jerge tıisti quqyqty rastaıtyn qujattardy jáne tıisti paıdalaný organdarynan alynǵan ruqsatty; geodezııalyq bólý negiziniń quramynda: qurylys toryn, qyzyl syzyqtar, ǵımarattyń (qurylystyń) gabarıtin anyqtaıtyn bas bólý osterin, bıik qada belgini, ınjenerlik kommýnıkasııalardyń, avtojoldardyń, elektrmen jabdyqtaý jelileriniń, baılanys, sý qubyry, káriz, jylý berý, gazdandyrý trassasynyń bas osterin, resimdelgen qurylys úshin geodezııalyq bólý negizin qabyldaý aktisin; eger shartta ózge kózdelmese, ázirlengen jáne bekitilgen jobalaý-smetalyq qujattamany, ınjenerlik izdestirý materıaldaryn jáne qurylysqa qajetti qurylys óndirisin uıymdastyrý boıynsha normatıvtik-tehnıkalyq qujattarmen reglamenttelgen basqa da qujattardy beredi. Bul rette, merdiger óz kúshimen ne mamandandyrylǵan uıymdy tarta otyryp, jumystardy júrgizý jobasyn (budan ári - JJJ) ázirleıdi. Jumys júrgizý jobasynda (JJJ) ázirlenetin negizgi qujattardyń quramy osy Qaǵıdalarǵa 2-qosymshada keltirilgen. JJJ jalpy obektiniń qurylysyna ázirlenedi jáne jumystardy jeke túrlerin oryndaý jobalarynan turýy múmkin; 8) qurylysty jalpy júrgizýge baqylaýdy, sondaı-aq jergilikti atqarýshy organdarmen ózara qatynastardy júzege asyrady; 9) shartta kózdelgen jaǵdaılarda jáne tártipte merdigerge jumystardy júzege asyrý úshin qajetti ǵımarattar men qurylystardy paıdalanýǵa beredi; 10) qurylystyń merdigerlik sharttaryn jasaý jáne oryndaý barysynda qurylysqa qatysýshylarmen týyndaıtyn kelispeýshilikterdi retteıdi; 11) salynyp jatqan obektige barady, qajetti atqarýshy tehnıkalyq qujattamalarmen tanysady; 12) avtorlyq jáne tehnıkalyq qadaǵalaýdy uıymdastyrý arqyly oryndalǵan jumys túrleriniń sapasy men qaýipsizdigin baqylaıdy, olar belgilengen memlekettik normatıvterdiń talaptaryna, jobalaý-smetalyq qujattamaǵa jaýap berýge, sondaı-aq sharttyń talaptaryna sáıkes kelýi tıis; 13) merdigerden avtorlyq jáne tehnıkalyq qadaǵalaýdyń nusqaýlaryn oryndaýdy talap etedi jáne olardy oryndamaǵany ne ýaqtyly oryndamaǵany jáne sapasyz oryndaǵany úshin merdigerge qatysty sharalar qoldanady; 14) memlekettik sáýlet-qurylys baqylaý jáne qadaǵalaý organdarynyń nusqamalaryn oryndaýdy qamtamasyz etedi; 15) jumystardy júrgizgen kezde olar jobalaý (jobalaý-smetalyq) qujattamasynan jáne normatıvtik talaptardan, sondaı-aq jasalǵan qurylys merdigerlik shartynan aýytqıtyn bolsa, jumys júrgizýdi toqtatady; 16) merdigerden qurylystyń merdigerlik shartynyń talaptaryn oryndaýdy jáne qurylys-montaj jumystaryn júrgizgen kezde jol berilgen kemshilikter men jobalaý (jobalaý-smetalyq) qujattamasynan aýytqýlardy aqysyz joıýdy talap etedi; 17) usynystardy qaraıdy jáne jobalaý-smetalyq qujattamany ázirleýshimen kelise otyryp, bekitilgen jobalaý-smetalyq qujattamaǵa túbegeıli emes, obektiniń konstrýktıvtik shemasyna, onyń kólemdik-josparlaý, ınjenerlik-tehnıkalyq nemese tehnologııalyq jobalyq sheshimderine, sondaı-aq qun jáne basqa da bekitilgen tehnıkalyq-ekonomıkalyq kórsetkishterin qozǵamaıtyn ózge de obektıvtik faktorlarǵa áser etpeıtin ózgeristerdi engizý boıynsha sheshim qabyldaıdy, olardy keıinnen resimdep, saqtaýǵa tapsyrady; 18) merdigerdik uıymnan shart mindetterin oryndamaǵany nemese tıisinshe oryndamaǵany úshin turaqsyzdyq aıybyn (aıyppul, ósimaqy) óndirip alý jóninde sharalar qoldanady. 4-paragraf. Qarjylandyrý, esepke alý jáne eseptilik 12. Tapsyrys berýshi qarjylandyrý, esepke alý jáne eseptilik salasynda: 1) zańnamalyq aktilerde nemese merdigerlik shartta belgilengen merzimderde jáne tártipte naqty oryndalǵan jumystardy qabyldaýdy jáne olarǵa aqy tóleýdi qamtamasyz etedi. Eger tapsyrys berýshiniń obektilerinde birneshe ártúrli qarjylandyrý kózderi bolsa, shyǵystar smetasy árbir ınvestordyń qarjylandyrý kólemine sáıkes qarajat shyǵysynyń proporsııasyn saqtaı otyryp, árbir ınvestormen kelisiledi; 2) merdigerdiń operasııalyq-sharýashylyq qyzmetine aralaspaı, oryndalǵan jumystar kólemin, baǵanyń negizdiligin, sondaı-aq merdigerlik uıym, ónim berýshiler jáne basqa uıymdar oryndaǵan jumys (qyzmet), jetkizilgen ónim jáne basqa jasalǵan shyǵyndar úshin tóleýge usynylǵan qujattardaǵy málimetterdi tekseredi. Merdigerdiń, tehnıkalyq jáne avtorlyq qadaǵalaýdyń tıisti usynystarynyń negizinde oryndalǵan jumystar qunynyń ósýi nemese kemýi týraly sheshim qabyldaıdy. Bul rette, jobalaý-smetalyq qujattamany túzetýge baılanysty bıýdjettik ınvestısııalyq jobalar boıynsha qurylystyń smetalyq qunyn ulǵaıtý Qazaqstan Respýblıkasynyń Ulttyq ekonomıka mınıstriniń 2014 jylǵy 5 jeltoqsandaǵy № 129 buıryǵymen bekitilgen (Normatıvtik quqyqtyq aktiler tiziliminde № 9938 bolyp tirkelgen) Memlekettik ınvestısııalyq jobanyń ınvestısııalyq usynysyn ázirleý nemese túzetý, qajetti saraptamalardy júrgizý, sondaı-aq bıýdjettik ınvestısııalardy josparlaý, qaraý, irikteý, monıtorıngileý jáne iske asyrylýyn baǵalaý qaǵıdalarynda belgilengen tártipte júzege asyrylady; 3) bıýdjettik qarajattyń maqsatty jáne tıimdi paıdalanylýyna baqylaýdy júzege asyrady; 4) býhgalterlik jáne statıstıkalyq esepke alýdy uıymdastyrady jáne júrgizedi, sondaı-aq belgilengen tártipte osy Qaǵıdalarǵa 3 jáne 4-qosymshalarǵa sáıkes oryndalǵan qurylys jumystaryn qabyldaý aktisine jáne oryndalǵan qurylys jumystary men shyǵyndar quny týraly anyqtamaǵa qol qoıady. Memlekettik emes ınvestısııalar esebinen obektiniń qurylysyn júzege asyrǵan kezde oryndalǵan qurylys-montaj jumystary úshin aı saıynǵy eseptesý tapsyrys berýshi men merdiger arasynda kelisilgen nysandar boıynsha júrgiziledi. 5-paragraf. Qurylysy aıaqtalǵan obektilerdi qabyldaý, qurylysy aıaqtalmaǵan obektilerdiń qurylysyn toqtatý jáne konservasııalaý 13. Obektide bekitilgen jobaǵa (jobalaý-smetalyq qujattamaǵa) tolyq sáıkes barlyq qurylys-montaj jumystary, aýmaqty abattandyrý, jabdyqpen jáne qural-saımanmen qamtamasyz etý oryndalǵannan keıin merdiger (bas merdiger) obektiniń tapsyrýǵa daıyn ekendigi týraly tapsyrys berýshige habarlaıdy. 14. Tapsyrys berýshi merdigerden obektiniń daıyndyǵy týraly habarlama men atqarýshylyq qujattamanyń jıyntyǵyn alǵannan keıin «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Qazaqstan Respýblıkasynyń 2001 jylǵy 16 shildedegi Zańy (budan ári - «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Zań) 11-taraýynyń talaptaryna sáıkes obektini qabyldaý rásimine kirisedi: 1) obektiniń daıyndyǵyn keshendi tekserýdi uıymdastyrady; 2) synaqtan ótkizý jáne qabyldaý kezinde obektiniń paıdalaný rejımin anyqtaıdy; 3) qajet bolǵan jaǵdaıda obektide iske qosý-jóndeý jumystaryn uıymdastyrý men júrgizýdi qamtamasyz etedi; 4) jumys, memlekettik qabyldaý nemese qabyldaý komıssııasyn qurady jáne onyń quramyn buıryqpen bekitedi. «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Zańnyń 74-babynda kózdelgen jekelegen jaǵdaılarda salynǵan obektini paıdalanýǵa qabyldaýdy menshik ıesi, tapsyrys berýshi ne ınvestor derbes júrgizedi; 5) jumys, memlekettik qabyldaý nemese qabyldaý komıssııasynyń múshelerine komıssııa jumysynyń bastalatyn kúni týraly jazbasha habarlaıdy; 6) qaıta qabyldaýdy qosa alǵanda, memlekettik qabyldaý, qabyldaý nemese jumys komıssııasynyń jumysy barysynda júrgizilgen shyǵyndardy óteıdi; 7) derbes ne tapsyrys berýshiniń jaýapty ókilin taǵaıyndaý arqyly salynǵan obektini paıdalanýǵa qabyldaýǵa qatysady jáne qabyldaý aktisine qol qoıady. Obektiniń paıdalanýǵa berilgendigi týraly aktige qol qoıylǵan kún memlekettik qabyldaý komıssııasy nemese qabyldaý komıssııasy qabyldaǵan obektiniń paıdalanýǵa berilgen kúni dep esepteledi. Obektini paıdalanýǵa qabyldaǵan kúnnen bastap obektini kútip-ustaýǵa baılanysty shyǵystardy tapsyrys berýshi kóteredi; 8) obektiniń paıdalanýǵa jaramsyzdyǵy nemese qurylys-montaj jumystarynyń sapasyz oryndalǵany týraly qabyldaý komıssııasynyń qorytyndysyn alǵan kezde tıisti memlekettik organdarǵa buzýshylyqtarǵa jol bergen qurylysqa qatysýshylardy jaýapqa tartý jóninde ótinish jasaıdy, sondaı-aq sharttyq mindettemelerdi tıisinshe oryndamaǵany úshin Qazaqstan Respýblıkasynyń 1999 jylǵy 1 shildedegi Azamattyq kodeksiniń (Erekshe bólim) 635-babyna sáıkes sharalar qabyldaıdy; 9) salynǵan obektini paıdalanýǵa qabyldaý aktisiniń negizinde Qazaqstan Respýblıkasy Ádilet mınıstriniń 2013 jylǵy 6 mamyrdaǵy № 156 buıryǵymen bekitilgen (Normatıvtik quqyqtyq aktiler tiziliminde № 8469 bolyp tirkelgen) Jyljymaıtyn múlikke memlekettik tehnıkalyq tekserý júrgizý erejesine sáıkes bekitilgen nysan boıynsha tehnıkalyq pasport ala otyryp, jańadan qurylǵan jyljymaıtyn múlikke memlekettik tehnıkalyq tekserý júrgizýge tapsyrys beredi jáne daıyn qurylys ónimine múliktik quqyqty tirkeýdi qamtamasyz etedi. 15. Tapsyrys berýshi obektiniń qurylysyn toqtatý (toqtata turý) jáne konservasııalaý týraly sheshim qabyldaǵan jaǵdaıda: 1) tehnıkalyq tekserý nátıjeleriniń negizinde merdigerden akt arqyly qurylysy aıaqtalmaǵan obektini qabyldaıdy jáne konservasııalaý jobasyn ázirleýdi qamtamasyz etedi; 2) konservasııalaý jumystaryn júrgizýge smetany bekitedi jáne avtorlyq qadaǵalaýdy uıymdastyrý arqyly olardyń sapaly oryndalýyn baqylaıdy; 3) qurylysy aıaqtalmaǵan obektini konservasııalaý boıynsha jumystar bastalǵanǵa deıin «Ruqsattar jáne habarlamalar týraly» Zańnyń 46-babymen belgilengen tártipte qurylys-montaj jumystary júrgizile bastalǵany týraly memlekettik sáýlet-qurylys baqylaýyn jáne qadaǵalaýdy júzege asyratyn organǵa habarlama jiberedi; 4) konservasııalaýda turǵan kezeńde qurylysy aıaqtalmaǵan obektidegi materıaldyq qundylyqtarǵa kúzet uıymdastyrady. 16. Obektini paıdalanýdyń kepildik merzimi ishinde tapsyrys berýshi merdigermen jáne paıdalanýshy uıymmen birge obektini tekserýge qatysady jáne anyqtalǵan aqaýlardy merdigerdiń nemese onyń esebinen joıýdy qamtamasyz etedi. 3. Tapsyrys berýshiniń jobany basqarý boıynsha ınjınırıngtik qyzmetterdi júzege asyratyn tulǵamen ózara is-qımyly 17. Jobany basqarý boıynsha ınjınırıngtik qyzmetterdi júzege asyratyn tulǵa jobalaý aldyndaǵy satyny jáne obektini nemese birneshe obektini jobalaý, salý jáne paıdalanýǵa engizý satylaryn qosa alǵanda, búkil ınvestısııalyq kezeńge ne jobany iske asyrýdyń kez kelgen satysynda jumysqa tartylady. 18. Memlekettik ınvestısııalar esebinen salynyp jatqan jobany iske asyrǵan kezde osy jobany basqarý boıynsha fýnksııalardy jáne merdigerlik jumystardy (jobalaý aldyndaǵy, jobalaý-smetalyq qujattamany ázirleý jáne (nemese) qurylys-montaj jumystary) biriktirýge bolmaıdy. 19. Shtatynda tıisti attestattary bar sarapshylary bolǵan jaǵdaıda jobany basqarý boıynsha ınjınırıngtik qyzmetterdi júzege asyratyn tulǵa tehnıkalyq qadaǵalaýdy derbes júrgizedi jáne (nemese) osy jumysqa attestattalǵan sarapshylardy tartady. 20. Jobany basqarý boıynsha ınjınırıngtik qyzmetterdi júzege asyratyn tulǵa Qazaqstan Respýblıkasy Ulttyq ekonomıka mınıstriniń 2015 jylǵy 3 aqpandaǵy №71 buıryǵymen bekitilgen (Normatıvtik quqyqtyq aktiler tiziliminde № 10401 bolyp tirkelgen) Sáýlet, qala qurylysy jáne qurylys qyzmeti salasynda ınjınırıngtik qyzmetter kórsetý qaǵıdalarynyń 6 jáne 7-tarmaqtarynda belgilengen fýnksııalardy oryndaıdy. 21. Sáýlet, qala qurylysy jáne qurylys qyzmeti salasyndaǵy ınjınırıngtik qyzmetterge aqy tóleý obektiniń qurylysyna arnalǵan jobalaý-smetalyq qujattamaǵa sáıkes júrgiziledi. Memlekettik ınvestısııalardyń qatysýymen salynyp jatqan obektiler úshin ınjınırıngtik qyzmetter tartýǵa arnalǵan shyǵystardy tóleý sáýlet, qala qurylysy jánet qurylys salasyndaǵy qoldanystaǵy memlekettik normatıvterde belgilengen lımıtter sheginde júzege asyrylady. Tapsyrys berýshiniń (qurylys salýshynyń) qyzmetin uıymdastyrýdyń jáne fýnksııalaryn júzege asyrýdyń qaǵıdalaryna 1-qosymsha Qurylysty uıymdastyrý jobasynda (QUJ) ázirlenetin negizgi qujattar quramy 1. Qurylystyń kúntizbelik (obektili) jospary, onda negizgi jáne qosymsha ǵımarattar men qurylystardy salý merzimderi men kezektiligi, kúrdeli salymdardy jáne qurylys-montaj jumystarynyń kólemderin bólý anyqtalady. 2. Qurylystyń bas jospary, onda turaqty jáne ýaqytsha ǵımarattar men qurylystardyń, joldardyń, ınjenerlik jelilerdiń ornalasqan jeri, elektr energııasy, sý, jylý, bý kózderin kórsete otyryp, qoldanystaǵy jelilerge ýaqytsha jelilerdi qosý orny, sondaı-aq qoıma alańdaryn, negizgi montajdaý krandardy jáne basqa mehanıkalandyrylǵan qondyrǵylardy, mejeleý jelileriniń bólý belgilerin, ǵımarattar men qurylystardy ornalastyrý kórsetilgen. Eger uıymdastyrý-tehnıkalyq sheshimderi qurylys alańymen janasatyn aýmaqty qamtıtyn bolsa, onda materıaldyq-tehnıkalyq baza kásiporny, ken orny, turǵyn kentteri, syrtqy joldar (olardyń uzyndyǵyn jáne ótkizý qabilettiligin kórsete otyryp), temir joldar, janasý stansııalary, teńiz, ózen aılaqtary, baılanys jelisi, elektr jelisi, aǵashty kesý jáne basqa bar obektiler kórsetilgen qurylystyń bas josparynan basqa, ahýaldyq jospar ázirlenedi. 3. Ǵımarattar men qurylystardy salýdyń ońtaıly júıeliligin anyqtaıtyn uıymdastyrý-tehnologııalyq shemalar. 4. Negizgi qurylys-montaj jáne arnaıy jumystar kólemderiniń vedomosti. 5. Ýaqyty boıynsha kúntizbelik (obektili) jospardyń grafıkalyq bólimimen úılestirilgen qurylys konstrýksııalary, buıymdar, materıaldar men jabdyqtar qajettiligi vedomosti. 6. Ýaqyty boıynsha kúntizbelik (obektili) jospardyń grafıkalyq bólimimen úılestirilgen negizgi qurylys mashınalary jáne kólik quraldary qajettiligi kestesi. 7. Ýaqyty boıynsha kúntizbelik (obektili) jospardyń grafıkalyq bólimimen úılestirilgen qurylys kadrlary qajettiligi kestesi. 8. Túsindirme jazba, onda qurylys jaǵdaılarynyń sıpattamasymen qatar, jumys júrgizý jáne olardy qosa atqarý, onyń ishinde qysqy jaǵdaıdaǵy maýsymdyq sıpatta vahtalyq ádispen oryndalatyn jumys ádisteri negizdeledi. Eńbekti qorǵaý, qorshaǵan tabıǵı ortany qorǵaý boıynsha sharalar qarastyrylady. Negizgi qurylys mashınalary jáne mehanızmderi, kólik quraldary, elektr energııasy, bý, sý, ottegi, qysylǵan aýa qajettiligine negizdeme jasalady. Kadrlardyń, turǵyn úılerdiń, áleýmettik-mádenı qyzmet kórsetýdiń qajettiligi, qurylystyń uzaqtyǵy men jáne basqa kórsetkishter negizdeledi. Qurylysty uıymdastyrý jobasynda mynadaı tehnıkalyq-ekonomıkalyq kórsetkishter keltiriledi: qurylystyń, onyń ishinde daıyndyq kezeńiniń jáne jabdyqtardy montajdaý kezeńiniń jalpy uzaqtyǵy (aı); jumyskerlerdiń eń kóp sany; irilendirilgen normalar boıynsha eńbek shyǵyndary vedomostine engizilgen qurylys-montaj jumystaryn oryndaý úshin eńbek shyǵyny (adam/kún), onyń negizinde obektili kúntizbelik jospardyń esepteý bóligi jasalady. QUJ quramy men mazmuny qurylysty uıymdastyrý jobasynyń jasalýy boıynsha qoldanystaǵy normatıvtik qujattarǵa sáıkes qurylys obektisiniń kúrdeliligin esepke ala otyryp, kólemdik-josparlaý jáne konstrýktıvtik sheshimderge baılanysty tolyqtyrylady. Tapsyrys berýshiniń (qurylys salýshynyń) qyzmetin uıymdastyrýdyń jáne fýnksııalaryn júzege asyrýdyń qaǵıdalaryna 2-qosymsha Jumys júrgizý jobasynda (JJJ) ázirlenetin negizgi qujattar quramy 1. Jumys oryndaryn uıymdastyrýdyń tehnologııalyq shemalary. 2. Qoldanystaǵy normatıvtik tehnıkalyq qujattardyń talaptaryna sáıkes qaýipsizdik tehnıkasy men eńbekti qorǵaý boıynsha sheshimder, órt qaýipsizdigi boıynsha sharalar. 3. Tolassyz aǵyndy brıgadalyq merdigerliń ádispen jumystardy oryndaý boıynsha is-sharalar. 4. Qajet bolǵan jaǵdaıda vahtalyq ádispen jumystardy oryndaý boıynsha is-sharalar. 5. Ýaqytsha ınjenerlik-kommýnıkasııalyq jelilerdi tóseý, onyń ishinde avarııalyq jaryqtandyrý boıynsha sheshimder. 6. Tehnologııalyq qural-saıman men montajdaý jabdyqtarynyń, sondaı-aq júkterdi ilý shemalarynyń tizbesi. 7. Jumys óndirisi, onyń ishinde qysqy ýaqytta oryndalatyndar boıynsha negizdelgen sheshimdermen qatar, energetıkalyq resýrstarǵa qajettilik jáne ony jabý jónindegi sheshimder, barlyq ýaqytsha, utqyr múkámmaldyq ǵımarattardyń, qurylystardyń jáne qurylǵylardyń tizbesi, materıaldar men konstrýksııalardyń saqtalýyn qamtamasyz etý boıynsha is-sharalar keltirilgen túsindirme jazba. Sondaı-aq qoldanystaǵy jáne salynyp jatqan obektilerdi búlinýden qorǵaý boıynsha is-sharalar keltiriledi (kóktemgi sý tasqynyn ótkizý, oń temperatýra kezinde bolatyn birkelki emes erýler, qysqy merzimde oryndalatyn jeke jumys túrleri). 8. Qurylys-montaj jumystarynyń kólemi men oryndalý uzaqtyǵyn, mehanıkalandyrý deńgeıin, ǵımarattyń 1 m3 alańyna, jumystardyń fızıkalyq kólemine nemese eńbek ónimdiligi úshin qabyldanǵan ózge kórsetkishke shaqqandaǵy eńbek ónimdiligin qosa alǵanda, tehnıkalyq-ekonomıkalyq kórsetkishter. Tapsyrys berýshiniń (qurylys salýshynyń) qyzmetin uıymdastyrýdyń jáne fýnksııalaryn júzege asyrýdyń qaǵıdalaryna 3-qosymsha Nysan Tapsyrys berýshi: Merdiger: Qurylystyń ataýy jáne mekenjaıy: Oryndalǵan qurylys jumystaryn qabyldaý AKTISI 20__jylǵy ____________ ________ jumystaryna 2001 jylǵy baǵada № r/s Norma tıv pozı-sııasy-nyń shıfry jáne № Jumys pen shyǵyn ataýy, ólshem birligi Sany Birliktiń quny, myń teńge Jalpy quny, myń teńge Ústeme shyǵystar, myń teńge -------- % Eńbek shyǵyn­dary, adam-saǵat, qurylystaǵy jumysshylar Barlyǵy Mashına­ny paıdalaný Barlyǵy Mashına­ny paıdalaný Qury-lysshy jumys- shylardyń jalaqysy onyń ishinde mashı- nıs­terdiń jalaqysy Qury-lysshy jumys- shylardyń jalaqysy onyń ishinde mashı- nısterdiń jalaqysy Mashınalarǵa qyzmet kórsetetin jumysshylar Birlikte Barlyǵy 1 2 3 4 5 6 7 8 9 10 11 Barlyq tikeleı shyǵyndar onyń ishinde quny: - materıaldar, buıymdar jáne konstrýksııalar - jabdyqtardyń quny - ózge de shyǵyndar Ústeme shyǵystar: - jalaqy - eńbek syıymdylyǵy Jıyny: Smetalyq jalaqysy Normatıvtik eńbek syıymdylyǵy Jıyny, aǵymdaǵy baǵalarda: Salyqtar, alymdar, mindetti tólemder Jıyny: QQS: Barlyǵy: Tapsyrys berýshi /jobany basqarý boıynsha ınjınırıngtik qyzmetterdi júzege asyratyn tulǵa: Merdiger: Tehnıkalyq qadaǵalaý sarapshysy(lary): Tapsyrys berýshiniń (qurylys salýshynyń) qyzmetin uıymdastyrýdyń jáne fýnksııalaryn júzege asyrýdyń qaǵıdalaryna 4-qosymsha Nysan Tapsyrys berýshi: Merdiger: Qurylystyń ataýy jáne mekenjaıy: Oryndalǵan qurylys jumystarynyń quny jáne shyǵyndary týraly ANYQTAMA 20__jylǵy ____________ Kod Kod Shart Qarjylandyrý kózi Uıymdastyrý-quqyqtyq nysany tapsyrys berýshi merdiger nómiri kúni ataýy kody ataýy kody Iske qosý keshenderiniń, obektilerdiń ataýy Oryndalǵan jumystardyń quny jáne shyǵyndar, myń teńge QQS (1-baǵan boıynsha) Tólemge barlyǵy QQS qosa alǵanda, jyldyń basynan bastap esepti aıǵa deıin QQS-syz esepti aıda (____ úshin) 1-baǵannan 2001 jylǵy bazalyq baǵa deńgeıindegi qurylys-montaj jumys­ta­rynyń quny sonyń ishinde 2001 jylǵy bazalyq baǵa deń­geıindegi QMJ quramyna kirmeı­tin ózge de shyǵyn­­dardyń quny qosymsha shyǵyndar esepti aıda jabdyqty montajdaý boıynsha materıal-dar satyp alýǵa basqa qosymsha shyǵystar A 1 2 3 4 5 6 7 8 9 10 M.O. Tapsyrys berýshi __________________________ (laýazymy, aty-jóni, qoly) M.O Merdiger __________________________ (laýazymy, aty-jóni, qoly) Buıryq Qazaqstan Respýblıkasynyń Ádilet mınıstrliginde 2015 jylǵy 24 sáýirdegi Normatıvtik quqyqtyq kesimderdi memlekettik tirkeýdiń tizilimine №10795 bolyp engizildi.